يسعد صباحكن!
أهلا وسهلا بالجميع، وبمعالي الوزيرة لميا يمّين.
يسعدني إنّو نجتمع اليوم، رغم الظروف الصعبة بلبنان. ورغم التحديات اللي بتزيد معاناة المواطن اللبناني، وخصوصاً العاطلين عن العمل.
نجتمع اليوم لخبّركن شو صار من لمّا أعلنّا عن مبادرة "لازم نتعلّم"، ولغاية اليوم.
40 ألف شخص قدّمو على Coursera. للأسف، تمّ قبول 25 ألف مشارك فقط، لأنّ الأماكن محدودة.
و 25 ألف أكملو 45 ألف دورة متنوّعة، على مدى 550 ألف ساعة تعلّم. ألف مبروك!
من المشجِّع إنّو البعض ركّزوا على مهارات مطلوبة في سوق العمل. لكنهم، للأسف، أهملو مهارات كثيرة لا تقلّ أهميّة.
مثلاً، 989 مشارك فقط أخذوا دورات متعلّقة بأكثر 10 مهارات مطلوبة في لبنان. عدد قليل للأسف، بِتْرك الكلام عن إحصاءات وأرقام أخرى لزميلي سليم.
هدفنا اليوم إطلاعكم على المهارات المطلوبة لتواكبوا تطورات سوق العمل في لبنان أو خارجه حتى توسّعوا آفاقكم وقدراتكم.
وكما وعدناكم، الاسكوا عينت أكثر من 10 شباب وشابات منكم. وباب التوظيف بعدو مفتوح، وبعدنا منوعدكم: طوّرو مهاراتكم وبرهنو عن كفاءتكم، وأبوابنا مفتوحة لكم.
لذلك، منشجّعكم تتابعو إعلانات الوظائف الشاغرة على الموقع الإلكتروني للإسكوا، وعلى مواقع باقي منظمات الأمم المتحدة في لبنان، والمنطقة، والعالم.
وبترككم بهذه الكلمات:
لا تفقدوا الأمل بوطنكم، رغم كل التحديات. وطنكم مجروح ومحتاج إلى ابتكاراتكم، وعزيمتكم، وإرادتكم لازدهاره، ولمستقبل أفضل إلكم.
وشكراً.
